《康熙来了》16年结束

　　直到今日，

　　观众都继续翻睇又翻睇。

　　B站亦有一大推

　　剪辑嘅片段，

　　讲搞笑嘅精华同

　　表情包集合埋一齐。

　　最受观众欢迎嘅

　　讲话片段之一，

　　一定有小S亏刘真嘅精华片段，

　　真系好好笑！！！！

　　当你以为

　　节目仲好似係最近嘅时候，

　　刘真老师近日嘅新闻，

　　却令人好震惊+惋惜。

　　上月初，

　　刘真入院做心脏手术，

　　因为主动脉瓣狭窄去开刀，

　　点知心跳骤停，

　　佢亦昏迷咗，需要抢救。

　　之后刘真一直喺医院重症病房，

　　不断有唔同消息流出，

　　不过基本上结论都

　　停留喺：

　　佢等紧换心。

　　因为冇新消息，

　　媒体就围攻吴宗宪，

　　宪哥亦唔方便透露，

　　话：“让家人交代。”

　　刘真同死神搏斗44日，

　　最终喺

　　3月22日22时22分病逝，

　　得年44岁。

　　原本风险唔大嘅手术，

　　冇人会估到变成咁，

　　真係无常……

　　刘真喺《康熙来了》嘅表现，

　　应该冇观众唔中意吧？？？

　　原本以为只有睇康熙嘅观众

　　先识得刘真老师，

　　睇到今日嘅热搜先至知，

　　原来全个微博嘅网友都有睇康熙。

　　佢喺节目中主打

　　国标舞天后同埋美鞋收藏，

　　佢靓女白滑，又温柔，

　　最重要喺佢被小S一直恰，

　　都唔会真係嬲。

　　同小S斗舞斗得好精彩，

　　被小S昆佢同个屎塔跳舞

　　佢都制，

　　被小S抢佢对靓鞋，

　　又被小S狂笑佢当年嘅

　　组合“Very Three”太过丢架，

　　仲有令人迷惑嘅3D舞蹈教学，

　　后尾睇翻先知道，

　　原来係咁有趣。

　　佢仲喺节目中透露过，

　　读书嘅时候有男仔整过一个

　　超大气球去追佢，

　　佢系当时嘅校花。

　　所以佢哋嘅片段，

　　放喺宜家呢个年代，

　　会有粉丝追刘真小S呢对CP。

　　对于好朋友刘真嘅逝世，

　　小S接受访问，

　　佢泣不成声……

　　唉，真係阴功。

　　丈夫辛龙沉重地吻别刘真老师，

　　网友亦都好伤心……

　　刘真老师喺社交平台嘅最后足迹，

　　係希望女女快高长大。

　　《康熙来了》做就咗好多明星，

　　而都有一啲

　　大家中意嘅综艺咖离开咗我哋，

　　被小S笑係鬼娃娃嘅欢欢，

　　少数敢寸小S嘅安钧璨，

　　超搞笑嘅大炳，

　　冇人会估到，

　　咁后生嘅刘真老师都走咗，

　　希望佢屋企人可以坚强。

　　最后都係个句，

　　人生好多大追求喺健康面前

　　都不值得一提。

　　珍惜眼前人，

　　我哋要将好嘅一面，

　　留畀家人同挚友！！！

　　资料来源：刘真社交平台，互联网

　　编辑：JZ