讲到旧时嘅港剧，

　　次次出产唔少金句

　　有啲仲变埋表情包

　　日常对话真係好使好用噶！

　　例如——

　　《男亲女爱》

　　最近广州大热嘅“安琪儿”

　　唔知道係唔係黄子华fans？

　　《巾帼枭雄之义海豪情》

　　6字真言

　　仲喺网上hit足咁多年嘅

　　“柴九”嘅对家“梁非凡”

　　呢个角色亦成为麦长青代表作之一，

　　加上B站上大家对“非凡哥”

　　嘅鬼畜视频都超捧场。

　　连带麦包自己，

　　都成为B站嘅红人之一~

　　出名好戏嘅麦包，

　　呢几年好少喺“公仔箱”见到佢，

　　事关佢2019年离巢TVB。

　　而且麦包近年开始慢慢咁

　　将工作重心转移到内地市场。

　　前排麦包就喺社交平台上透露，

　　自己已经喺广州长住！

　　除咗继续做演员之外，

　　麦包仲踩过界，

　　做埋新晋嘅“美食KOL”：

　　喺网上分享佢嘅探店日常，

　　因为画风贴地气，

　　唔少网友都好buy佢！

　　麦包喺广州探店嘅身影

　　仲不时畀网友“野生捕获”

　　前几日，

　　麦包畀网友发现喺天河出没，

　　今次唔係拍剧，

　　亦都唔係美食探店。

　　而係着晒成身防护服，

　　喺石牌某社区做志愿者！！

　　（点击去片！）

　　虽然麦包只係帮街坊做指引

　　佢都同其他医护人员一样，

　　戴晒面罩、手套，

　　防护功夫做到足！

　　呢几日间唔钟会落大雨

　　天气仲好焗下，

　　成副武装嘅麦包，

　　畀记者影到佢出晒大汗！

　　同好多志愿者一样

　　佢会引导街坊逐个扫健康码，

　　撞到唔係好识用手机嘅婆婆，

　　佢仲会一步步咁教佢点操作。

　　对于网上咁多人关注佢做志愿者

　　麦包就表示：

　　“医护人员同义工真係好辛苦，

　　我自己都係啱开始帮手~”

　　其实从疫情一开始

　　麦包就已经好关注。

　　佢之前就喺网上Po咗唔少

　　帮广州街坊打气嘅视频：

　　从拍片到加入义工队伍，

　　全部都劲走心啊！

　　唔少网友都争住留言：

　　话要畀个like佢！

　　前面都有同大家讲到，

　　旧年进驻B站嘅麦包人气劲高

　　咪以为佢只係贪得意啊，

　　麦包自从做咗B站嘅up主之后，

　　唔单止同班网友玩梗、

　　分享咁多年嚟嘅拍剧趣事。

　　做美食KOL好敬业，

　　去到边食到边！

　　睇翻佢上个月嘅视频，

　　仲有刘玉翠出没啵！

　　Color再去深挖下

　　先知道“建宁公主”刘玉翠，

　　原来都喺广州置业啦，

　　连新冠疫苗都喺广州打埋添！

　　同麦包一样，

　　刘玉翠都有喺社交平台

　　分享自己喺内地嘅生活日常，

　　开心share各式老火靓汤嘅做法~

　　讲到“非凡哥”

　　又点少得“柴九哥”啊？

　　香港嘅楼价高、节奏快，

　　唔少艺人都未必顶得顺，

　　所以黎耀祥都好醒目咁，

　　喺中山买咗间别墅长住！

　　近年少咗拍剧嘅祥仔，

　　喺中山嘅新生活相当舒服：

　　得闲就叹茶、晨运、跳舞，

　　简直係大家理想嘅退休生活啦！

　　以前成日话喺香港

　　撞到明星易过食生菜

　　而家越嚟越多嘅香港艺人，

　　选择喺内地长住，

　　一嚟係楼价冇咁高啦，

　　二嚟係发围嘅机会

　　可能更加多咗。

　　好似陈国邦

　　郭少芸

　　黄一山

　　“娘娘”蔡少芬

　　家下喺广州想偶遇明星？

　　一样好多机会噶！

　　等之后恢复翻堂食，

　　大家出街就可以多啲留意下周围啦~

　　至于而家了喔，

　　各位广州嘅街坊都係要忍下先。

　　见闷就睇下“非凡哥”嘅剧，

　　睇下仲有咩好使好用嘅表情包

　　可以同COLOR开心share啦！

　　资料来源：微博、豆瓣

　　艺人社交平台、视频截图

　　互联网综合整理