啱啱结束咗话题多多嘅

　　“万千星辉贺台庆”

　　“万千星辉颁奖礼”

　　又开始进入全民投票阶段啦

　　最新嘅提名名单一出

　　爱好者即刻醒神晒

　　嗱嗱声数下自己最冧嗰个有冇上榜

　　首先大家最关注嘅“视帝”“视后”人选

　　几个靓仔靓女嘅呼声就十分之高

　　马国明呼声高

　　首当其冲嘅就係

　　2019年曾经凭《白色强人》

　　摞咗视帝嘅马国明啦

　　佢入行15年，

　　曾经被提名12次“最佳男主角”

　　陪跑咗11次之后终于“有肉食”

　　大家都觉得佢终于守得云开见月明

　　今年佢部《宝宝大过天》就反响麻麻

　　但啱收官冇耐嘅

　　《星空下的仁医》就劲煞食

　　虽然已经“从医”无数次

　　但马明胜在人缘好绯闻少

　　所以再凭“医生”身份

　　再赢“视帝”亦不无可能

　　《拳王》最近啱啱开波

　　张振朗爆肌出演突破以往形象

　　拳头够硬净剧情够精彩

　　都冧掂咗唔少观众嘅心

　　因此想张振朗摞“视帝”的呼声都好高

　　除咗以上两位大热人选之外

　　谭俊彦、郑嘉颖、陈展鹏等等

　　都係观众热门讨论嘅人物

　　佢哋出演嘅剧集都几有睇头值得关注

　　钟嘉欣支持多

　　讲到“视后”嘅人选声音好似比较统一

　　大家好似普遍觉得钟嘉欣必定摞硬

　　因为《星空下的仁医》“章以芯”真係太好戏

　　特别係“章医生”因为意外搞到自己流产

　　失去BB之后绝望撕心裂肺嘅一段“哭戏”

　　真係喊到啲观众隔住屏幕

　　都感受到佢嘅痛苦

　　虽然近几年嘉欣BB常年定居国外

　　更多时候亦忙于家庭鲜少露面

　　但佢嘅演技依然在线，

　　人气也有增无减

　　实属难得

　　最近佢仲特意从加拿大翻咗香港

　　正在接受防疫隔离

　　睇怕都係准备要参加颁奖礼嘅架势

　　咁远水路都赶翻来

　　“摞视后”呢件事应该都坐定粒六啦

　　除咗目前大热嘅嘉欣

　　宣萱、林夏薇、李佳芯等等

　　都有唔少关注嘅声音

　　佢哋一样有希望爆冷争夺“视后”桂冠

　　“仁医”坐定粒六

　　“最佳剧集”嘅提名名单中

　　都有好多值得关注嘅作品

　　《星空下的仁医》

　　当仁不让成为呼声最top者

　　实景拍摄、专业团队指导、华丽阵容加持

　　每个point都食中“最佳”嘅摞奖点

　　而“双重人格”题材嘅

　　《刑侦日记》热度都唔差

　　现时悬疑剧大行其道咁有市场

　　仲有惠英红&黄浩信坐镇

　　呢部片就成功引起大家关注

　　至于《拳王》《逆天奇案》

　　《伙计办大事》等等

　　口碑都OK嘅提名剧

　　都有相应嘅人气支持

　　唔知到时颁奖礼现场会唔会遇到惊喜

　　配角看点十足

　　除咗各位大主角之外

　　每部戏都少不了“金牌绿叶”嘅衬托

　　今年大热嘅男配有

　　喺《换命真相》同《拳王》

　　都有出色表现嘅朱敏瀚

　　扮“韩国仔”有型有款有态度

　　做“拳手”又够姜有料打得过

　　女配方面何依婷被大家睇好

　　虽然佢已经担纲主角

　　撑住成部《十月初五的月光》

　　但鉴于佢仲后生大把机会

　　凭《星空下的仁医》摞个女配

　　仲係绰绰有余嘅

　　陈贝儿或成爆冷

　　值得一提嘅係

　　今年好多人关注“最佳主持”奖

　　好多朋友话不二选择

　　就係《无穷之路》嘅陈贝儿姐姐

　　套纪录片一出街

　　大家就被佢传播嘅

　　自然淳朴嘅人文情怀深深吸引

　　题材好，主持掂

　　想唔俾个good佢都过唔到自己个心

　　//////////

　　anyway

　　“颁奖礼”只係一个仪式

　　摞唔摞奖都证明唔到咩嘢

　　各花入各眼，

　　自己中意嘅人哋未必觉得好

　　反正都係嗰句

　　希望更多优秀作品可以娱乐大家

　　同时更多正能量可以带动社会进步

　　就已经够晒啦

　　MORE

　　今日娱乐看点

　　李现只有49个粉丝

　　《古董局中局》嘅主创分享电影心得

　　李现谦虚表示自己唔係顶流

　　仲话自己只有49个粉丝

　　佢係米对自己嘅人气有误解

　　《误杀2》提档至12月17日

　　电影原定12月24日上画

　　依家要提前一周同大家见面

　　绝望父亲为咗自己个仔仔

　　不惜铤而走险上演限时营救

　　“洗米华”被捕

　　周焯华因涉嫌跨境赌博等犯罪行为

　　温州市人民检察院经依法审查

　　于2021年11月26日

　　对其作出批准逮捕决定